綠色香港 我鍾意

平時搭車都會讓座比公公婆婆孕婦
但係有時真係好攰好攰既時候
就真係會有d唔想讓


然後就會開始諗
到底佢需要坐d定我需要坐多d
佢會唔會係岩岩行完天壇大佛...
但係我尋晚又通完頂喎...
但係老人家唔可以企咁耐架喎...
諗諗諗諗諗...
最後都係 好啦 算啦 你坐啦


hahahahahahahahahahhahahahahaha
...............
好無聊

mysteryguitarman!

好無聊但係又好犀利既mysteryguitarman！

每個禮拜一條小短片up上youtube
拍到依家荷里活都搵佢拍片！

每一段片都好有心思

每一段片都好有創意 

要鼓掌 啪啪啪啪啪啪啪啪啪啪啪

平時打字 我都會盡量避免用個‘我’字
因為我覺得成日講個‘我’字會比人感覺好自我中心
不過 真係好難避免


打字都可以諗過度過先sd比人
但係講野真係好難控制


記得有個朋友
佢有兩句口頭嬋
分別係：
1. 你知我啦！
2. 你聽我講 你聽我講 你聽我講先啦！






個人認為成日聽到類似既說話都幾辛苦：S
所以都係盡量用少d'我'字好d

我今年18歲

18年泥 到底用左幾多時間去 等 呢

等人
等車
等睇戲
等廁所
等天光
等等等等等

計都計唔到

如果可以砌番埋d鎖鎖碎碎 用左泥 等 既時間

去做一件事

我諗.........

我諗我諗我諗

我會去讀science：D
去報course！
哇哈哈正爆！

好興奮！

好 要冷靜
雖然18年泥真係o徙左好多時間去 等 
但係應該唔會夠我讀完一個course掛掛掛掛掛


不過
斷分鐘計 我相信絕對足夠有餘 
仲可以讀多好幾個course tim




係既就真係悲哀....

朋友的狗狗...

好似數碼暴龍......

HAHAHAHAHAHAHAHAHAHAHAHAHA

＜＜世界別為我擔心＞＞ 幾米

我好鍾意睇報紙

但係又好怕睇報紙

鍾意係鍾意睇港聞版

唔鍾意係唔鍾意報紙既墨

每次睇完成對手成個身都會污漕晒

（輕微潔癖..)

然後為左睇港聞

每次開電腦第一時間就係上YAHOO睇晒所有明報 星島既新聞

但係網上新聞始終唔夠詳盡

所以每日都會逼自己搭地鐵拎一份免費報紙或者買一份

但係 始終都係冇拎過 冇買過...

如果網上新聞都可以有報紙咁詳盡就好

不過拎住部電腦點都比唔上拎住一份真實既報紙喺手既感覺好

望住份報紙 直情覺得d新聞都真實d

可能因為有好強烈既意識覺得 網絡上流傳既任何消息都唔可以盡信

所以都係覺得睇手拎住既報紙 感覺暢快d

就好似一本書同一部電子書既分別

電子書係方便 但就係少左其中一份睇書既樂趣

冇得‘蠍’書 

對我泥講 電子書嗰D叫‘潑’書 而唔係‘蠍’書

加上 睇真實一本書可以睇埋佢既排版設計，內頁設計

電子書就冇得睇

再加上 我係鍾意先睇結局既人

對住本電子書真係要dom心口

‘蠍’書超級唔方便 冇得不斷翻睇結局

簡直係折磨

唔
我決定

要努力克服報紙！










講開報紙
最近肥佬黎搞搞震又出左份免費報紙 
爽報
冇睇過但係都想見識一下
一份免費報紙到底可以不雅到邊個程度
因為連網上新聞都'彈'到爽報一文不值
圖多過字 淫褻內容多過新聞
慘了慘了
依家d小朋友咁早熟 再睇埋爽報
仲得了？


教畫既時候已經見識過依家d小朋友思想有幾歪
以下係我同一個只有6歲既小女孩對話
「老師 我學校坐我隔離個男仔好煩呀」
「咁你唔好理佢囉 佢上堂煩你你同老師講嘛」
「唉 我真係好想殺左佢 用槍一野打爆佢 等佢收聲」
「嘩 唔得架喎 殺人犯法架喎 買槍都係犯法架喎」
「唔驚 我仲係小朋友 冇事既 大個先要坐監JA MA」


未來既香港會係點.................................

發光演唱會飛！

最近有朋友同我講：

我電話裝左photoshop！

...........................

雖然我未見過又未用過

但係...到底電話點樣用到ps執相？

到底會輕機輕到邊個程度

function會少左幾多

想像不能

不過出呢個app既人真係幾聰明

依家年青人都鐘意周圍影相用電話up上網

電話ps夠晒方便 應該會多人用

不過 有冇咁既必要？

生活係為左影相up上網？

喺海洋公園影既兩張相

個個朋友見到都驚嘆

問點解你咁犀利 可以捕捉得咁好

其實我只不過係拎住部渣渣LG電話

soom到最近 去影個caption隔離張圖

都扼得下人

HAHAHAHHAHAHAHAHA

為何還喜歡我 你這種無賴

為何還喜歡我 你這種無賴


有時將D野轉一轉 就會好唔同

係無啦啦同朋友唱起舊歌既時候諗到
heeheehee






為何還喜歡我 你這種無賴
。
何必跟我 你這種無賴
活大半生還是很失敗

hahahahahhahahahahahahhahaha
好囂張侮辱性甚高
講下笑就算啦呢d
：P

由細到大都好怕去‘政府地方’

因為好臭

政府合署等等等等既地方

都好臭

佢獨特既中央冷氣

永遠都有一陣奇怪既臭味

雖然話臭又唔算好臭

但係奇怪既冷氣味

加上冷漠既人 死氣沉沉既環境 公式化既一切一切

零人情味

就變得好臭

依家每次喺灣仔上堂都要經過入境處

陣臭味真係好難聞

我知道股味道係改變唔到

唔奢求會有變香既一日

旦求唔好愈泥愈臭

雜嘜（1）

好可愛

青蛙仔扮KERORO


如果有一日
我可以無憂無慮咁享受生活既話
我可能會去搵隻企鵝幫佢扮靚
因為真係好想養企鵝！～ 諗下都開心


不過幾時先會到嗰日 起碼都要六七十歲
如果我未死既話
又如果世界未末日既話




講開世界末日
記得有次番工 有個信奉基督教既老師話：
‘其實呢 真正既世界末日唔係2012年
而係以色列統治世界既時候’
.................................
如果係既話 就真係一百個放心
幾時先會到／輪到以色列統治到世界？
就算打第三次世界大戰 開戰3日以色列都冇左啦 ...
btw 唔好咁多廢話 做人都係要活在當下




又講開宗教
前日同母親大人睇911既特輯
睇下睇下就開始傾宗教狂熱既問題
愈傾愈激動

我明白宗教係唔可以胡亂批評

但我個人認為 宗教係自私的

好 再講會得罪人 BYE ：P

BLING BLING矛盾問題

一隊足球隊入面

有一個所有射球都擋得到既守門員

有一個所有龍門都攻得破既射球手

如果練波既話

射球手入唔到波應該開心定唔開心  呢？

印象中 第一次喺學校見到呢幅畫
已經覺得畫中既女主角好似無線劇集‘無頭東宮’入面既東宮 陳妙瑛
之後每次經過見到個腦都會浮起十萬個陳妙瑛加陳妙瑛加陳妙瑛
仲會好興奮咁同身邊既人講 ： 陳妙瑛呀！！
諗番起都好笑

望住陳妙瑛 再諗番每次喺冇指定對象既情況下畫人像畫既時候
都會有意無意咁畫左一D我地熟悉既人既面孔出泥
其實係有D得人驚 到底點解我會畫左個好似某某人既人出泥呢？
唔通我潛意識對呢個人.........有D唔知咩咩咩..?
雖然唔知係D咩咩咩 但確實係有D詭異 不過又幾好笑





其實其實其實    點解‘印象’ 唔係 ‘像’ 而係 ‘象’？
‘像’有好像既意思 咁何解印象會係大笨象個象？
ER...  我估係因為有企人邊既‘像’係形容人
而‘印象’又唔限定只係對人
加上象同像係同音字 所以係‘印象’
UM... 然後再上網search 結果淨係搵到一堆原子印同騎大象
-.-
可能我唔識搵啦 遲D去開圖書館真係要搵搵點解

如果記得既話