12.09.2011

Sustainable living


綠色生活或可持續生活是指某一個人或社會的生活方式,以使用有限的天然資源,達至某程度上的可持續性。支持者一般會以可持續發展作為目標,並實踐在生活方式當中,例如實踐在交通、居住、能源消耗及飲食等。
綠色生活教育基金主席周兆祥博士指出,綠色生活即按照大自然的規律(亦即所謂「天理」、「道」)
做人,不污染破壞自己身心靈的內在世界,也不污染破壞地球生態。自古以來所有生物都在「綠色」
生活,但近代人類的思想、言行、生產方式,以至社會制度及世界觀乖離自然,所以今天所謂綠
生活即是一種回歸自然的生活模式。

原來sustainable living是這樣解釋,
原來我一直忽略了「可持續性生活」裡的「生活」不止解作生活,還代表「生存」,
難怪與綠色環保生活有關。

我認為「可持續性生活」也可解作為「可持續性生存」,
生活環保、靠近天然,遠離高科技,對自己和大自然也是有益而無害。
例如:
吃少一點肉類,對身體好也減少對無辜動物的虐殺,
盡量多步行、多以單車或公共交通工具代步;
不單多運動對身體好,減少二氧化碳排放對臭氧層好,即是對身體也好
...................................................................................................................................
等等等等等等等等等等等等等等等等等等等等等等等等等等等等等等等等
保持身體健康,長壽一點,不就是“可持續性生存”?
減少做一些破壞環境的事,
把地球壽命延長一點,把人類歷史延長
不也是「可持續性生存」嗎?
不要把環保想得太偉大,
不要以為自己的小小綿力沒有作為,
不要以為環保是為別人而做,
現實一點,環保生活對自己有好處啊。

12.05.2011

唔知係純粹巧合
定角色編排既原故
定係發音上既問題
喺我睇過既電視劇同電影入面主角多數都係有嫲嫲而無婆婆
唔係無但係印象中好似少d
:-/

11.15.2011


如果我有呢個post-it note就好啦!
超方便 不過好易爛仲應該有戴得唔舒服
都係寫喺手背好:-D



2011中國美術學院傳媒動畫學院學生畢業作品





You must do the things today that others will not do 
so that you can have the things tomorrow that others will not have.





11.12.2011




大踏步

就在日落前又想你
從前是我有志要別離
怎麼今天又望著遠處那小鎮懷念又在皺眉

昨日道別遺下感慨
徘徊在過去與那未來
找不到出路順著細雨創出了河道直流大海

長路途
大踏步 或許會跌痛
滿天星宿照耀我就如攜手一起引路
撥著霧 是我心迷途
有請小鳥背著我覓尋遺失的勇氣希望

日落提示我
教我始終相信今天失去明天可追
有一日 我會找到那答案
然後你會發現我
已差不多走遍天邊海角

愈夜願望湖愈清澈
魚兒亦懶懶快要入眠
多少的心願擲下去化作希冀甜夢動力向前

幻像在面前又閃過
猴成鵠變鶴再化做河
今天的生命活在過去我得到其實又是甚麼

長路途
大踏步 或許會跌痛
滿天星宿照耀我就如攜手一起引路
撥著霧 是我心迷途
有請小鳥背著我覓尋遺失的勇氣希望

日落提示我
教我始終相信今天失去明天可追
每一日 我似風箏四處碰
長路似雪你像炭
縱使高低起跌多少偏差
從此不須驚怕

大踏步 或許會跌痛
滿天星宿照耀我就如攜手一起引路
撥著霧 是我心迷途
有請小鳥背著我覓尋遺失的火與光

大踏步 或許會跌痛
滿天星宿照耀我就如攜手一起引路
撥著霧 是我心迷途
有請小鳥背著我覓尋遺失的勇氣希望

日落提示我
教我始終相信今天失去明天可追
有一日 我會找到那答案
然後我會再共你
挽手一起走遍天邊海角
其實過去每日也
有些思鄉都有一點想家
明天歸家好嗎


   謊話
   周刊的封面彩照搶眼
   敘述最新的荒誕笑話
   中間添加幾多設計的對白
   新聞的畫面不夠驚嚇
   病毒與飢荒 股市 戰爭
   卡拉 OK 聲掩蓋了空氣吧
* 從前說過的 在瞬息間變化
(像夢囈般消失了對話)
   現在應許的 明日亦抹去吧
   活在這盛世 就似呼吸般習慣被騙
   承受虛幻 城內最笨也學會欣賞
   幪著眼 瞎說話 熱烈販賣百萬個謊話
   千萬腦袋變麻木空白(生命已漸變麻木空白)
   全部眼目耳鼻已經 感應不到 錯與假 *
   纖體修身的廣告轟炸
   命運與風水幫你轉彎
   只需講一聲 相信者得救吧
   Repeat *
   天天反口都不算欺詐
   昨日有多少估計偏差
   今天所講的 請你再相信吧





好鍾意呢種style既graphic
但係偏偏自己就係構思唔到 畫唔到呢d style
係咪因為自己畫唔到先會鍾意?
don't know :-/


11.09.2011

「你只需要將它完整的拼回就能用1歐元(瑞典)購買一杯咖啡。」


由細到大都唔多食糖
因為食親糖都會喉嚨痕
然後鼻敏感皮膚敏感發燒bla bla bla
之餘 仲要肚痛!!
但係
今日搭車無聊喺到諗
食糖  d糖好似係唔會落到個肚到架喎
食既時侯糖應該淨係會溶喺個口到
咁應該唔會落到個胃到啦
咁點解會肚痛/胃痛呢?????
由細到大問母親大人都話係因為食糖食到d風落肚所以肚痛
但係d糖有落到肚咩?
結果上網search都係揾唔到答案
但係揾到d幾搞笑但又有d唔係幾make sense既野

http://www.ixiqi.com/archives/7799

:S




11.07.2011




4-6/11/2011

field trip - 「荃灣三無」

field trip完之後,就去番工
係荃灣既某某畫室,一間出名「掠學生水」既畫室
平時睇新聞,訪問低收入家庭,母們都會話好慘,小朋友冇得上興趣班
因為報讀興趣班好貴
所以我一直都覺得,泥得呢間「掠水」畫室學畫畫既小朋友
家境就算唔係大富大貴都一定唔會好差

我只係一個普通既畫班教師
無權過問學生私隱,亦無興趣知道
更何況我教既小朋友只有三至七歲
就更加唔會研究呢d問題
直到星期五field trip完之後既星期日
番到畫室又如常同d小朋友嘻嘻哈哈咁畫畫
畫畫下畫,有一個六歲既小女孩拎左本手冊比我睇
(比我睇入面夾住既功課紙,雖然唔知點解學畫畫都要做功課)
「missy missy~ 你睇下,我今個禮拜功課係畫狗仔呀~」
我一望,睇完隻狗仔之餘,仲望埋隔離一頁既學生資料
本身係想睇佢張可愛既學生相
點知成頁學生資料最搶眼既係寫到大大隻字既學生住址
原來佢住大坡坊
開頭以為自己睇錯,大坡坊?今日field trip去既大二三四坡坊?唔係好窮既人先住架咩?
仲好記得係德寶大廈十三樓
跟住我好奇問佢
「喔?你住大坡坊架?」
「係呀,我頭先同媽咪一齊行過泥畫畫架」
「唔洗撘車啦咁近,missy頭先番學都去完大坡坊,你屋企住十三樓咁高有冇lift架?」
「有~有呀,有lift同埋樓梯」
「咁你喺屋企玩迫唔迫架」
「唔迫~我屋企仲有養貓架,佢好得意架」
「咁好有貓貓陪你玩~」
之後都無再問落去,畢竟都算係私隱問題,雖然佢只有六歲
我當下呆一呆,點解住大坡坊,算係較貧窮既家庭
都可以負擔到課外活動既費用?
以我所知佢除左學畫畫之外仲有補習、彈琴
仲要養埋貓仔?
點負擔得起?

跟住我就上網揾左大坡坊德寶大廈既小小資料
睇落都係套房細單位,又可能十三樓無劏到做套房?
又或者係佢真係住套房但係屋企又負擔到佢既課外活動費用?
但係既然係咁,家庭收入唔算差點解仲要住套房?
又或者其實所謂既貧窮唔係指一日三餐都成問題既貧窮?
等等等等既問題真係無辦法考究
亦唔會再去考究
無理由下次番工再問
唯有遲d再親身去訪問一下


講開教畫畫,其實平時見到d小朋友都會好心痛
年紀小小無得玩仲要學十萬樣課外活動
兩歲未夠三歲就已經要學畫畫
問十個起碼有七、八個小朋友,係星期六有三至五個興趣班要上
「呀...missy我好攰呀,今朝學完英文,畫完畫仲要去游水,之後仲要去拉小提琴呀,好攰呀」
(明明畫畫既時侯只係早上十時正)
「下,陰公囉,咁咪好早起身?咁聽日仲洗唔洗學野呀?」
「我今朝七點就起身啦!尋晚仲要做功課做到三點,好眼訓呀,
聽日咪學珠心算囉,之後無啦,平時一至五仲要補習添呀!」
......................................
每次見到d小朋友攰無心機畫我都會比佢地休息
淨係聽佢地講都覺得辛苦
講得唔好聽
根本d父就痴左線
根本就唔係小朋友既興趣班
根本d父母係怕執輸,死都要迫自己小朋友學埋d唔係佢地唔鍾意既野
唔係小朋友真心鍾意,係被迫既,學都唔會開心唔會成績好啦
仲好記得有一次教一班新既學生,有個六歲既男仔
畫畫完全無心機,成堂好似軟皮蛇咁叭喺到
完全唔肯畫
直到落堂我拖住佢手仔出去揾工人姐姐放學
佢即刻精神晒,跳扎扎咁仲攬住我講byebye
當時真係覺得好奇怪
然後到下一個禮拜又係軟皮蛇咁叭喺到訓
我問佢「其實你係咪唔鍾意畫畫呀?」(語氣柔和地)
佢up頭之後諗左一諗又另頭
「唔緊要喎,missy唔係鬧你,你話比missy聽呀,你係咪唔鍾意畫畫呢?」
「唔.......唔鍾意」
之後我冒住被炒既風險同佢講,叫佢同媽咪講佢唔鍾意畫畫叫媽咪唔好迫佢學
又之後先知道原來佢一早有同媽咪講過
又原來佢媽咪知道佢個仔唔鍾意畫畫仲同畫室主任講「你迫佢畫就得架啦」

??????????????

咁係咩意思?
好彩地+唔知點解地,佢仔仔聽我講完之後就唔再討厭畫畫
咁都好d,起碼唔再係被迫去學一樣自己無興趣學既野


雖然我明白,依家既小朋友已經無可能唔上興趣班
當身邊同輩都不停upgrade既時侯,父母們係無可能唔迫自己既小朋友upgrade
只不過
都可以有人道d既,講到底,佢地都係小朋友泥啫

10.26.2011

話說
前日有朋友問左我幾條問題
「chili, 你仲係咪讀緊art架?」
「係呀,一直都讀緊」
「可唔可以教我追一個讀art既女仔?」
「下竟然係咁,點幫你?」
「讀art係咪會特別情緒化d架呢?
    梗係覺得特別難同佢講野」
「唔係掛,咁你又同我講野」
「我一直都覺得你奇奇怪怪架,
    讀art既都好似好難捉摸」
「唔係掛,讀art都係普通人泥啫,
    你平時同我玩都知我係正常啦」
「呀~我唔知呀~你教我點做啦~」






點解咁呢????????
自從f5畢業之後 
個個朋友都好想知我讀咩 好想知我既生活係點
成日問問問問問 問唔停
「chili,你依家讀緊咩呀?」
「hong kong art school」
「係咪啫係讀藝術嗰d?」
「係呀,叫做香港藝術學院呀嘛」
「會讀d咩架?日日畫畫?」
「唔係....好難講你聽喎,拍片 design...咩都要讀」
「咁你學校d人係咪好難溝通架,讀art既好多都痴痴地」
「唔係喎好正常喎,咪好似我同你咁吹水囉」
「係咩,讀art好多痴痴地既人架喎」
「係咩,唔多覺喎」
「因為你都痴痴地」
「你痴線啦」
「讀art既點都係有d痴架啦」
.
.
.
.
.
.
.
.






好多人都認為讀art既人好:
奇怪;另類;難接近......等等等等等等


其實讀art既都係普通人啫
每個人興趣唔同
鍾意接觸藝術既人唔一定係痴線
點解要標籤?
可能有時佢地既想法係會有d唔同
但係都未到咁誇張既地步,講到生人勿近咁




雖然最初入art school既時侯都有驚過有憂慮過
係咪真係會好難溝通!?
但係慢慢發現
其實鍾意art既人絕對唔係其他人口中既“痴痴地”
唔見得行為或思想上有問題 更唔見得精神上有嚴重缺憾
大家都係普通人 只係大家追求既野唔同
雖然 當中確實係會有d好溝通會好偏激既人
但唔代表一切唔代表所有人唔可以以偏概全呀
所以,「不要標籤好嗎?」

10.25.2011


簡單得泥 又幾好笑,用樹懶sell車幾聰明,超級大對比
不過如果有埋下文就好啦
講樹懶一日既生活會更加突顯到架車有幾快
快到可以同慢既樹懶互補不足 完全唔影響樹懶先生既social life
不過可能係唔想樣樣野都講得太出面所以先會淨係拍某d情境
btw都好正 :D


樹懶先生好搞笑
真心覺得樹懶好可愛
由細到大都幾鍾意樹懶
樣子討好:D
不過動作真係超級慢
我係獅子見到佢都冇可能唔去食佢
細個睇親discovery channel樹懶特輯都係睇佢地俾人食....
有時真係會諗 佢地既生存都幾無意思....
係咪淨係用泥維持食物鏈....


好多香港人都唔鍾意樹懶
覺得佢地太慢
以前呀媽見到電視有樹懶就會即刻轉台
話頂唔順佢地咁慢 睇到炆


依家諗番
香港人唔鍾意樹懶應該係因為香港人太快...
原來
喺香港除左矮係死罪...慢都係死罪.......



9.22.2011



平時搭車都會讓座比公公婆婆孕婦
但係有時真係好攰好攰既時候
就真係會有d唔想讓


然後就會開始諗
到底佢需要坐d定我需要坐多d
佢會唔會係岩岩行完天壇大佛...
但係我尋晚又通完頂喎...
但係老人家唔可以企咁耐架喎...
諗諗諗諗諗...
最後都係 好啦 算啦 你坐啦


hahahahahahahahahahhahahahahaha
...............
好無聊













mysteryguitarman!

好無聊但係又好犀利既mysteryguitarman!
每個禮拜一條小短片up上youtube
拍到依家荷里活都搵佢拍片!
每一段片都好有心思
每一段片都好有創意 
要鼓掌 啪


9.21.2011

平時打字 都會盡量避免用個‘我’字
因為覺得成日講個‘我’字會比人感覺好自我中心
不過 真係好難避免


打字都可以諗過度過先sd比人
但係講野真係好難控制


記得有個朋友
佢有兩句口頭嬋
分別係:
1. 你知我啦!
2. 你聽我講 你聽我講 你聽我講先啦!






個人認為成日聽到類似既說話都幾辛苦:S
所以都係盡量用少d'我'字好d